சென்னை: All India Anna Dravida Munnetra Kazhagam கட்சியில் ஏற்பட்டுள்ள உள்கட்சி பிளவு நாளுக்கு நாள் தீவிரமடைந்து வரும் நிலையில், கட்சி ஆதரவு ஊடகங்களிலும் அதன் தாக்கம் வெளிப்படத் தொடங்கியுள்ளதாக தகவல்கள் வெளியாகியுள்ளன.
அதிமுக பொதுச்செயலாளர் Edappadi K. Palaniswami அணியுடன் 22 எம்எல்ஏக்களும், S. P. Velumani மற்றும் C. V. Shanmugam அணியுடன் 25 எம்எல்ஏக்களும் இருப்பதாக கூறப்படுகிறது.
இந்த நிலையில், அதிமுக கட்சியின் அதிகாரப்பூர்வ நாளிதழாக செயல்பட்டு வந்த Namadhu Amma நாளிதழில் அண்மையில் குறிப்பிடத்தக்க மாற்றங்கள் ஏற்பட்டுள்ளதாக தகவல் வெளியாகியுள்ளது.
இந்த நாளிதழ் இதுவரை கல்யாணசுந்தரம் ஆசிரியராக இருந்து வெளியிடப்பட்டு வந்தது. அவர் இபிஎஸ் ஆதரவாளராக கருதப்பட்ட நிலையில், சில நாட்களுக்கு முன்புவரை இபிஎஸ்க்கு ஆதரவான செய்திகளே அதிகமாக வெளியாகி வந்ததாக கூறப்படுகிறது.
ஆனால் தற்போது, கட்சியின் உள்கட்சி மோதல் தீவிரமடைந்ததை தொடர்ந்து, வேலுமணி – சி.வி. சண்முகம் அணிக்கு ஆதரவான செய்திகளும், இபிஎஸ்க்கு எதிரான தகவல்களும் வெளியிடப்படத் தொடங்கியுள்ளதாக கூறப்படுகிறது.
இன்று வெளியான இதழிலும் பெரும்பாலான செய்திகள் இபிஎஸ் அணிக்கு எதிராக இருந்ததாக அரசியல் வட்டாரங்களில் பேசப்படுகிறது. எனினும், நாளிதழின் முகப்புப் பக்கத்தில் நிறுவனர் என்ற இடத்தில் இன்னும் Edappadi K. Palaniswami பெயரே இடம்பெற்றுள்ளது குறிப்பிடத்தக்கது.
அதேபோல், அதிமுக ஆதரவு தொலைக்காட்சி சேனலாக கருதப்படும் News J சேனலும் தற்போது வேலுமணி – சி.வி. சண்முகம் அணிக்கு ஆதரவாகவும், இபிஎஸ்க்கு எதிராகவும் செய்திகள் வெளியிட்டு வருவதாக தகவல்கள் தெரிவிக்கின்றன.
