சென்னை: All India Anna Dravida Munnetra Kazhagam கட்சியில் ஏற்பட்டுள்ள உள்கட்சி மோதல் தீவிரமடைந்துள்ள நிலையில், சென்னை ராயப்பேட்டையில் உள்ள கட்சியின் தலைமை அலுவலகத்தில் போலீஸ் பாதுகாப்பு அதிகரிக்கப்பட்டுள்ளது.
சமீபத்தில் நடைபெற்ற சட்டசபை நம்பிக்கை வாக்கெடுப்பில், Tamilaga Vettri Kazhagam தலைமையிலான அரசு, கூட்டணி கட்சிகளின் ஆதரவுடன் பெரும்பான்மை பெற்று ஆட்சியை அமைத்தது.
இந்த வாக்கெடுப்பின் போது, அதிமுகவை சேர்ந்த முன்னாள் அமைச்சர் S. P. Velumani அணியை சேர்ந்த 25 எம்எல்ஏக்கள் தவெக அரசுக்கு ஆதரவாக வாக்களித்தனர். இதற்கு எதிர்ப்பு தெரிவித்த Edappadi K. Palaniswami, வேலுமணி மற்றும் C. V. Shanmugam உள்ளிட்ட 25 பேரை மாவட்ட செயலாளர் பொறுப்பிலிருந்து நீக்கினார்.
தன் உத்தரவை மீறி தவெக அரசுக்கு ஆதரவு அளித்ததாக குற்றம்சாட்டி எடுக்கப்பட்ட இந்த நடவடிக்கை, கட்சிக்குள் இருந்த பிளவை மேலும் தீவிரப்படுத்தியுள்ளதாக கூறப்படுகிறது.
இதற்கிடையில், வேலுமணி மற்றும் சி.வி. சண்முகம் அணியினர் பொதுக்குழு கூட்டத்தை நடத்த வேண்டும் என வலியுறுத்தி வருகின்றனர். இரு அணியினரும் தொடர்ந்து செய்தியாளர்களை சந்தித்து ஒருவர்மீது ஒருவர் குற்றச்சாட்டுகளை முன்வைத்து வருவதால், அதிமுகவில் ஏற்பட்டுள்ள பிளவு வெளிப்படையாகியுள்ளது.
இந்த பரபரப்பான சூழ்நிலையில், JCD Prabhakar தலைமையிலான சபாநாயகர் அலுவலகத்தில் இபிஎஸ் மற்றும் வேலுமணி அணியை சேர்ந்த எம்எல்ஏக்கள் தனித்தனியாக புகார் மனு அளித்துள்ளனர்.
மேலும், கட்சிக்குள் மோதல் வெடித்துள்ளதால் ஏதேனும் அசம்பாவிதம் ஏற்படாத வகையில், ராயப்பேட்டை தலைமை அலுவலகத்தில் போலீசார் பாதுகாப்பை பலப்படுத்தியுள்ளனர். அலுவலகத்திற்கு வருபவர்களை தீவிர சோதனைக்கு பிறகே உள்ளே அனுமதித்து வருகின்றனர்.
