கோவை: “கட்சி மேலிடம் எடுக்கும் முடிவுகள் மற்றும் நிலைப்பாடுகளுக்கு அனைவரும் கட்டுப்பட்டு செயல்பட வேண்டும்” என பா.ஜ தேசிய அமைப்பு பொதுச்செயலர் B. L. Santhosh அறிவுறுத்தியுள்ளார்.
கோவையில் உள்ள பா.ஜ அலுவலகத்தில் இரண்டாவது நாளாக நடைபெற்ற மையக்குழு கூட்டத்தில் அவர் தலைமை வகித்தார். இந்த கூட்டத்தில் தமிழக பா.ஜ தலைவர் Nainar Nagendran, மூத்த தலைவர்கள் H. Raja, Tamilisai Soundararajan, Vanathi Srinivasan மற்றும் முருகானந்தம் உள்ளிட்டோர் கலந்து கொண்டனர்.
கூட்டத்தின் போது கட்சியின் பல்வேறு பிரிவு நிர்வாகிகளுடன் பி.எல்.சந்தோஷ் ஆலோசனை நடத்தினார். தமிழக சட்டசபை தேர்தலில் பா.ஜ சார்பில் போட்டியிட்ட 27 வேட்பாளர்களில் ஒருவர் மட்டுமே வெற்றி பெற்ற நிலையில், தோல்விக்கான காரணங்கள் குறித்து ஒவ்வொருவரிடமும் அவர் கேட்டறிந்ததாக தகவல் வெளியாகியுள்ளது.
மேலும், தொலைக்காட்சி விவாதங்களில் பங்கேற்பவர்கள் மற்றும் சமூக வலைதளங்களில் கருத்து தெரிவிப்பவர்களுடன் நடைபெற்ற கலந்துரையாடலில், மக்களிடம் நேர்மறையான தகவல்களை கொண்டு செல்ல வேண்டும் என அறிவுரை வழங்கப்பட்டது.
தகவல் தொழில்நுட்ப வசதிகளை கட்சியின் வளர்ச்சிக்காக திறம்பட பயன்படுத்த வேண்டும் என்றும் வலியுறுத்தப்பட்டது.
தமிழகத்தில் நிலவும் அரசியல் சூழலை கவனமாக கண்காணிக்க வேண்டும் என்றும், கட்சி மேலிடம் எடுக்கும் முடிவுகள் மற்றும் நிலைப்பாடுகளை அனைவரும் மதித்து செயல்பட வேண்டும் என்றும் பி.எல்.சந்தோஷ் கூறியதாக தகவல்கள் தெரிவிக்கின்றன.
கூட்டத்தில் பங்கேற்ற நிர்வாகிகள் கூறுகையில், கட்சி நிர்வாக மாற்றங்கள், எதிர்கால அரசியல் நடவடிக்கைகள் மற்றும் தொண்டர்களை உற்சாகப்படுத்தும் திட்டங்கள் குறித்து விரிவாக ஆலோசிக்கப்பட்டதாக தெரிவித்தனர்.
