புதுடில்லி: Election Commission of India, நாட்டின் 16 மாநிலங்கள் மற்றும் 3 யூனியன் பிரதேசங்களில் வாக்காளர் பட்டியல் சிறப்பு தீவிர திருத்தப் பணிகள் (எஸ்ஐஆர்) வரும் மே 30ஆம் தேதி முதல் தொடங்கப்படும் என அறிவித்துள்ளது.
முதல்கட்டமாக, கடந்த ஆண்டு Bihar மாநிலத்தில் எஸ்ஐஆர் நடவடிக்கை மேற்கொள்ளப்பட்டு, அதன் பின்னர் அங்கு சட்டப்பேரவைத் தேர்தல் நடத்தப்பட்டது.
அதனைத் தொடர்ந்து இரண்டாம் கட்டமாக Tamil Nadu, West Bengal, Kerala, Gujarat, Chhattisgarh, Goa, Madhya Pradesh, Rajasthan மற்றும் Uttar Pradesh ஆகிய மாநிலங்களிலும், Andaman and Nicobar Islands, Lakshadweep மற்றும் Puducherry ஆகிய யூனியன் பிரதேசங்களிலும் எஸ்ஐஆர் நடவடிக்கை மேற்கொள்ளப்பட்டது.
இந்த மாநிலங்கள் மற்றும் யூனியன் பிரதேசங்களில் மொத்த வாக்காளர்கள் எண்ணிக்கை 50.99 கோடியாக இருந்த நிலையில், எஸ்ஐஆர் நடவடிக்கைக்கு பிறகு அது 45.81 கோடியாக குறைந்தது. இதன் மூலம் 5.18 கோடி பேர் வாக்காளர் பட்டியலில் இருந்து நீக்கப்பட்டதாக தேர்தல் ஆணையம் தெரிவித்துள்ளது.
இந்நிலையில், மூன்றாம் கட்டமாக Andhra Pradesh, Arunachal Pradesh, Haryana, Jharkhand, Karnataka, Maharashtra, Manipur, Meghalaya, Mizoram, Nagaland, Odisha, Punjab, Sikkim, Tripura, Telangana மற்றும் Uttarakhand ஆகிய மாநிலங்களிலும் எஸ்ஐஆர் நடவடிக்கை மேற்கொள்ளப்பட உள்ளது.
அதேபோல், Chandigarh, Delhi மற்றும் Dadra and Nagar Haveli and Daman and Diu ஆகிய யூனியன் பிரதேசங்களிலும் இந்த பணிகள் நடைபெறவுள்ளன.
Himachal Pradesh, Jammu and Kashmir மற்றும் Ladakh பகுதிகளில் தட்பவெப்ப சூழ்நிலை உள்ளிட்ட காரணங்களால் எஸ்ஐஆர் நடவடிக்கை பின்னர் மேற்கொள்ளப்படும் என தெரிவிக்கப்பட்டுள்ளது.
மூன்றாம் கட்ட பணிக்காக 3.94 லட்சத்திற்கும் மேற்பட்ட வாக்குச்சாவடி நிலை அலுவலர்கள் நியமிக்கப்பட்டுள்ளனர். அவர்கள் 36.73 கோடி வாக்காளர்களின் வீடுகளுக்கு நேரடியாக சென்று சரிபார்ப்பு பணிகளை மேற்கொள்வார்கள் என தேர்தல் ஆணையம் தெரிவித்துள்ளது.
