சென்னை: விஜய் தலைமையிலான அமைச்சரவையில் இந்தியன் முஸ்லிம் லீக் சார்பில் பாபநாசம் தொகுதியில் வெற்றி பெற்ற ஷாஜஹான் இடம்பெறுவார் என கட்சித் தலைவர் Kader Mohideen அறிவித்துள்ளார்.
இதுகுறித்து நிருபர்களிடம் பேசிய Kader Mohideen, “விஜய் தலைமையிலான தவெக அரசுக்கு நாங்கள் நிபந்தனையற்ற ஆதரவு அளித்தோம். ஆட்சிக்கு ஆதரவு அளித்தபோது இந்தியன் முஸ்லிம் லீக் சார்பில் எந்த நிபந்தனைகளையும் வைக்கவில்லை. புதிய அரசிடம் எந்த கோரிக்கைகளையும் முன்வைக்கவில்லை” என்றார்.
மேலும், “இருப்பினும், விஜய் தலைமையிலான தமிழக வெற்றிக் கழக அரசு பெருந்தன்மையுடன் இந்தியன் முஸ்லிம் லீக் கட்சியையும் அமைச்சரவையில் சேர்க்க முடிவு செய்துள்ளது” என்றும் தெரிவித்தார்.
“உங்கள் கட்சி சார்பில் வெற்றி பெற்ற இரு எம்.எல்.ஏ.க்களில் ஒருவருக்கு அமைச்சர் பதவி வழங்க விரும்புகிறோம்; அதற்கான ஒப்புதலை தர வேண்டும் என்று அரசு தரப்பில் கேட்டுக்கொண்டனர். இது எங்களுக்கு எதிர்பாராத மகிழ்ச்சியான தகவலாக இருந்தது” என்றும் கூறினார்.
“நாங்கள் கேட்கவில்லை, எந்த கோரிக்கையும் வைக்கவில்லை. இருந்தாலும், முஸ்லிம் லீக் கட்சியினரும் அமைச்சரவையில் இடம்பெற வேண்டும் என்ற உயர்ந்த நோக்கத்தில் எங்களை அணுகியதற்கு நன்றி தெரிவிக்கிறோம்” என Kader Mohideen கூறினார்.
மேலும், “கட்சியில் ஆலோசனை நடத்திய பிறகு, அமைச்சரவையில் இந்தியன் முஸ்லிம் லீக் சார்பில் பாபநாசம் தொகுதியில் வெற்றி பெற்ற ஷாஜஹான் இடம்பெறுவார் என்று முடிவு செய்துள்ளோம்” என்றும் தெரிவித்தார்.
“முதலில் ஒருவரை தேர்வு செய்து அனுப்புகிறோம். அதன் பிறகு அடுத்தவரை பற்றி ஆலோசித்து முடிவு செய்வோம்” என்றும் Kader Mohideen கூறினார்.
