Donald Trump அரசு முறைப் பயணமாக China சென்றுள்ள நிலையில், அந்நாட்டு அதிபர் Xi Jinping உடன் முக்கிய பேச்சுவார்த்தை நடத்தினார்.
இந்த சந்திப்பில், உலக எரிபொருள் விநியோகத்தில் முக்கிய பங்கு வகிக்கும் Strait of Hormuz நீரிணை விவகாரம் முக்கியமாக விவாதிக்கப்பட்டதாக தகவல் வெளியாகியுள்ளது.
The White House வெளியிட்ட தகவலின்படி, உலகளாவிய எரிபொருள் விநியோகம் பாதிக்கப்படாமல் இருக்க ஹோர்முஸ் நீரிணை முழுமையாக திறந்திருக்க வேண்டும் என்று இரு நாடுகளின் தலைவர்களும் கருத்து தெரிவித்துள்ளனர்.
இதனைத் தொடர்ந்து, Iran மற்றும் United States இடையிலான போர் தொடங்கியதிலிருந்து முடக்கப்பட்டுள்ள ஹோர்முஸ் நீரிணை வழியாக செல்லும் கப்பல்களுக்கு சுங்கக் கட்டணம் விதிக்கக் கூடாது என்று ஜின்பிங் வலியுறுத்தியதாக கூறப்படுகிறது.
மேலும், வளைகுடா நாடுகளை தவிர்த்து அமெரிக்காவிடம் இருந்து சீனா கச்சா எண்ணெய் இறக்குமதி செய்வது தொடர்பாகவும் இருதரப்பினரும் ஆலோசனை நடத்தியதாக தகவல்கள் தெரிவிக்கின்றன.
இந்த சந்திப்பில், அமெரிக்காவில் சட்டவிரோதமாக விற்கப்படும் Fentanyl உள்ளிட்ட போதைப்பொருட்களின் கடத்தலை கட்டுப்படுத்துவது குறித்தும் விவாதிக்கப்பட்டதாக கூறப்படுகிறது.
அத்துடன், அமெரிக்காவிலிருந்து வேளாண் பொருட்களை சீனா அதிகளவில் இறக்குமதி செய்வது குறித்தும் பேச்சுவார்த்தை நடைபெற்றதாக தகவல் வெளியாகியுள்ளது.
உலக அரசியல் மற்றும் பொருளாதாரத்தில் முக்கிய தாக்கத்தை ஏற்படுத்தக்கூடிய இந்த சந்திப்பு சர்வதேச கவனத்தை ஈர்த்துள்ளது.
