சென்னை: “அதிமுகவில் நிறைய தவறுகள் நடந்தன; அதன் விளைவுகளை தற்போது அவர்கள் அனுபவித்து வருகின்றனர்” என முன்னாள் சபாநாயகர் P. Dhanapal தெரிவித்துள்ளார்.
முன்னாள் சபாநாயகர் P. Dhanapal மகனும், ராசிபுரம் எம்.எல்.ஏவுமான லோகேஷ் தமிழ்ச்செல்வன் அமைச்சராக பதவியேற்றார். இதையடுத்து நடைபெற்ற நிகழ்ச்சியில் பங்கேற்ற பின்னர் நிருபர்களிடம் அவர் பேசியார்.
அப்போது, “நான் அதிமுகவில் இருந்து விலகி நீண்ட நாட்கள் ஆகிவிட்டது. உடல்நிலை சரியில்லாததால் வீட்டில் ஓய்வில் இருந்தேன். இன்று என் மகன் முதல்வர் தலைமையிலான அமைச்சரவையில் அமைச்சராக இருப்பதை பார்க்க வந்துள்ளேன்” என்றார்.
மேலும், “நான் அரசியலில் பல பதவிகளை வகித்தவன். ஆனால் என் மகன் அந்த உயர்ந்த பதவிக்கு சென்றிருப்பதை பார்க்கும்போது மிகுந்த மகிழ்ச்சி ஏற்படுகிறது” என்றும் கூறினார்.
அதிமுக குறித்து பேசிய அவர், “அக்கட்சியில் என்னை பல வகைகளில் புறக்கணித்தார்கள். நிறைய தவறுகள் செய்தார்கள். அதன் விளைவுகளை இன்று அவர்கள் அனுபவித்து வருகின்றனர். எல்லோரையும் புறக்கணித்ததால், இன்று மக்களும் அவர்களை புறக்கணித்துவிட்டனர்” என்றார்.
“சைக்கிளில் சென்று கூட்டங்களில் பேசி கட்சியை வளர்த்தவன் நான். ஆனால் எனக்கு உரிய முக்கியத்துவம் வழங்கப்படவில்லை. அதனால் மனவேதனையுடன் கட்சியில் இருந்து விலகினேன்” என்றும் தெரிவித்தார்.
மேலும், “இன்றைய அதிமுக நிலை வருத்தமளிக்கிறது. அதே நேரத்தில் முதல்வர் தலைமையில் ஒரு புதிய கட்சி வளர்ந்து வருவதை மகிழ்ச்சியுடன் பார்க்கிறேன்” என கூறினார்.
“J. Jayalalithaa என்னை சபாநாயகராக ஆக்கியபோது எவ்வளவு மகிழ்ச்சி அடைந்தேனோ, அதைவிட பல மடங்கு மகிழ்ச்சி என் மகன் அமைச்சர் ஆனபோது ஏற்பட்டுள்ளது” என்றும் P. Dhanapal தெரிவித்தார்.
