கோவை: கோவை மற்றும் திருப்பூர் மாவட்டங்களை சேர்ந்த தவெக எம்எல்ஏக்களுக்கு அமைச்சர் பதவி வழங்கியுள்ள முதல்வர் Vijay, முன்னாள் அமைச்சர் S. P. Velumani எதிர்பார்த்திருந்த அரசியல் கணக்கை முறியடித்துள்ளதாக அரசியல் வட்டாரங்களில் பேசப்படுகிறது.
தமிழகத்தில் எந்த கட்சி ஆட்சிக்கு வந்தாலும், கோவை, திருப்பூர் மற்றும் நீலகிரி மாவட்டங்களில் வெற்றி பெற்ற எம்எல்ஏக்களுக்கு அமைச்சரவை வாய்ப்பு வழங்குவது வழக்கமாக இருந்து வருகிறது. இந்த மூன்று மாவட்டங்களிலும் மொத்தம் 21 சட்டசபை தொகுதிகள் உள்ளன.
சமீபத்திய தேர்தலில் கோவையில் 6 தொகுதிகளிலும், திருப்பூரில் 4 தொகுதிகளிலும் தவெக வெற்றி பெற்றது. நீலகிரி மாவட்டத்தில் மட்டும் அக்கட்சி வெற்றி பெறவில்லை. அதேசமயம் திமுக 7 தொகுதிகளிலும், அதிமுக 3 தொகுதிகளிலும் வெற்றி பெற்றது.
கோவை மாவட்டத்தில் அதிமுக சார்பில் முன்னாள் அமைச்சர் வேலுமணி மட்டுமே வெற்றி பெற்றார். தவெக அரசுக்கு ஆதரவு அளித்ததால், அமைச்சரவை பதவி கிடைக்கும் என அவர் எதிர்பார்த்திருந்ததாக கூறப்படுகிறது.
ஆனால், முதல்வர் விஜய் அந்த வாய்ப்பை வழங்காமல், தவெக நிர்வாகிகளான எம்எல்ஏக்கள் சம்பத்குமார் மற்றும் விக்னேஷ் ஆகியோருக்கு அமைச்சர் பதவி வழங்கியுள்ளார். இது கோவை அரசியல் வட்டாரத்தில் பரபரப்பை ஏற்படுத்தியுள்ளது.
அதிமுக மற்றும் எடப்பாடி பழனிசாமி ஆதரவு வட்டாரங்கள் கூறுகையில், வேலுமணி மீண்டும் அமைச்சராகி கோவை, திருப்பூர் பகுதிகளில் தனது அரசியல் செல்வாக்கை அதிகரிக்க முயன்றதாக தெரிவித்தனர். ஆனால், திமுக ஆட்சிக்காலத்தில் அவர் மீது பதிவு செய்யப்பட்ட வழக்குகள் இன்னும் விசாரணையில் இருப்பதால், அமைச்சரவை பதவி வழங்குவது தவெக அரசுக்கு பாதிப்பை ஏற்படுத்தும் என விஜய் கருதியிருக்கலாம் என்றும் கூறப்படுகிறது.
மேலும், முன்னாள் அமைச்சர் V. Senthil Balaji கவனித்த மதுவிலக்கு மற்றும் ஆயத்தீர்வை துறை தற்போது கிணத்துக்கடவு எம்எல்ஏ விக்னேஷுக்கு ஒதுக்கப்பட்டுள்ளதாக தகவல் வெளியாகியுள்ளது.
தேர்தல் பிரசாரத்தின் போது “பாட்டிலுக்கு 10 ரூபாய்” என மதுபான விற்பனை குறித்த விமர்சனங்களை விஜய் முன்வைத்திருந்த நிலையில், தற்போது அந்த துறையை நிர்வகிக்கும் புதிய அமைச்சருக்கு கூடுதல் கட்டணம் வசூலிப்பதை தடுக்கவும், 11-11 மனமகிழ் மன்றங்கள் தொடர்பான நடவடிக்கைகளையும் மேற்கொள்ள வேண்டிய சூழல் ஏற்பட்டுள்ளதாக அரசியல் வட்டாரங்கள் தெரிவிக்கின்றன.
