சென்னை: Edappadi K. Palaniswami, ‘போர்வாள்’ என்ற புதிய தமிழ் நாளிதழை இன்று தொடங்கி வைத்தார்.
All India Anna Dravida Munnetra Kazhagam ஆளுங்கட்சியாக இருந்த காலத்தில், கட்சிக்கான செய்தி ஊடகமாக ‘நியூஸ் ஜெ’ தொலைக்காட்சி தொடங்கப்பட்டது.
அந்த சேனலின் நிர்வாகத்தை முன்னாள் அமைச்சர்கள் C. V. Shanmugam மற்றும் S. P. Velumani உள்ளிட்டோர் கவனித்து வந்தனர்.
இந்நிலையில், சமீபத்தில் நடைபெற்ற தேர்தலில் அதிமுக மூன்றாவது இடத்துக்கு தள்ளப்பட்டதுடன், கட்சிக்குள் உட்கட்டமைப்பு பிரச்சனைகளும் தீவிரமடைந்துள்ளன.
இதனைத் தொடர்ந்து, சண்முகம் மற்றும் வேலுமணி தரப்பினரை கட்சி பொறுப்புகளில் இருந்து இபிஎஸ் நீக்கியதாக கூறப்படுகிறது.
இதன் பின்னர், ‘நியூஸ் ஜெ’ சேனல் தங்களுக்குச் சொந்தமானது என சண்முகம் – வேலுமணி தரப்பு தெரிவித்ததாக தகவல்கள் வெளியாகின.
அதோடு, இபிஎஸ் தொடர்பான செய்திகளை புறக்கணித்ததுடன், அவருக்கு எதிரான செய்திகள் ஒளிபரப்பப்பட்டதாகவும் கூறப்படுகிறது.
மேலும், அதிமுகவின் அதிகாரப்பூர்வ நாளிதழாக இருந்து வந்த ‘நமது அம்மா’ நாளிதழும் இபிஎஸ் கட்டுப்பாட்டை விட்டு வெளியேறியதாக தகவல்கள் வெளியாகின.
இபிஎஸ் பெயரில் வெளியாகி வந்த அந்த நாளிதழ், தற்போது வேலுமணி பெயரில் வெளிவரத் தொடங்கியுள்ளதாகவும், அதில் இபிஎஸை விமர்சிக்கும் செய்திகள் வெளியாகி வருவதாகவும் கூறப்படுகிறது.
இந்த சூழ்நிலையில், அதிமுகவின் புதிய அதிகாரப்பூர்வ நாளேடாக ‘போர்வாள்’ தமிழ் நாளிதழை இபிஎஸ் இன்று அறிமுகப்படுத்தினார்.
இந்த நிகழ்ச்சியில் கட்சியின் முன்னணி நிர்வாகிகள் மற்றும் முக்கிய நிர்வாகத் தலைவர்கள் பங்கேற்றனர்.
