மதுரை: மகளிருக்கு ரூ.2500 உரிமைத்தொகை வழங்கும் திட்டத்தை பட்ஜெட் தாக்கலுக்குப் பிறகே செயல்படுத்த முடியும் என்று சட்டம் மற்றும் மின்சாரத்துறை அமைச்சர் Nirmal Kumar தெரிவித்துள்ளார்.
மதுரை Meenakshi Amman Temple கோயிலில் தரிசனம் செய்த பிறகு செய்தியாளர்களிடம் பேசிய அவர், “மகளிருக்கு ரூ.2500 உரிமைத்தொகை வழங்கும் திட்டத்தை செயல்படுத்த முதலில் நிதி ஆதாரங்களை சரிசெய்ய வேண்டும். பட்ஜெட் தாக்கலுக்குப் பிறகே இந்த திட்டத்தை நடைமுறைப்படுத்த முடியும்” என்று கூறினார்.
மேலும் அவர் கூறுகையில், “குட்கா உள்ளிட்ட போதைப்பொருட்கள், சட்டவிரோத கல் குவாரிகள் மற்றும் மதுக்கடைகள் மீது அதிகாரிகள் தொடர்ந்து ஆய்வு செய்து சீல் வைத்து வருகின்றனர். இது பழைய ஆட்சி மாதிரி இல்லை. இது முதல்வர் Vijay தலைமையிலான ஆட்சி” என்றார்.
“முதல்வர் ஒவ்வொரு நிமிடமும் எந்த விஷயத்தை நினைத்து செயல்படுகிறாரோ, அதே நோக்கத்தில் அமைச்சர்களும் அதிகாரிகளும் செயல்பட்டு வருகின்றனர். மக்களும் நல்ல ஒத்துழைப்பை வழங்கி வருகின்றனர். இன்னும் ஓரிரு மாதங்களில் அனைத்தும் சீராகி நல்ல முறையில் செல்லும்” என்றும் தெரிவித்தார்.
சட்டம் ஒழுங்கு நிலைமை குறித்து பேசிய அவர், “ஒவ்வொரு துறையையும் முதல்வர் தினமும் ஆய்வு செய்து வருகிறார். எந்த நபருக்கு எந்த துறையை ஒதுக்கலாம் என்பது குறித்தும் தனிப்பட்ட முறையில் கவனம் செலுத்தி வருகிறார். கடந்த 40 முதல் 50 ஆண்டுகளாக நிர்வாக அமைப்பு முற்றிலும் மாறியுள்ளது. அதை ஒரே நாளில் சரிசெய்ய முடியாது” என்று கூறினார்.
தொடர்ந்து, “அனைத்து துறைகளும் தற்போது கடுமையான நெருக்கடியில் உள்ளன. முழுமையான ஆய்வு மேற்கொண்ட பிறகே அதன் உண்மை நிலை தெரிய வருகிறது. முதல் நாளிலிருந்தே முதல்வர் இதற்கான பணிகளை செய்து வருகிறார்” என்றும் அமைச்சர் தெரிவித்தார்.
மேலும், “மக்களுக்கு தேவையான அனைத்தும் வெளிப்படையாக நடைபெற்று வருகிறது. அதிகாரிகளுக்கு முழு சுதந்திரம் வழங்கப்பட்டுள்ளது. மக்கள் நினைப்பதை முதல்வர் செய்து வருகிறார். இது எந்த ‘வெர்ஷனும்’ அல்ல; இது புதிய ‘வெர்ஷன்’” என்று அமைச்சர் நிர்மல்குமார் கூறினார்.
