ஆமதாபாத்: Gujarat Titans அணியின் கேப்டன் Shubman Gill பகிர்ந்த இன்ஸ்டாகிராம் பதிவு தற்போது சமூக வலைதளங்களில் பரபரப்பை ஏற்படுத்தியுள்ளது.
நேற்று நடைபெற்ற ஐபிஎல் லீக் போட்டியில் குஜராத் அணி முதலில் பேட்டிங் செய்து 20 ஓவர்களில் 229 ரன்கள் குவித்தது. அதனைத் தொடர்ந்து விளையாடிய Chennai Super Kings அணி 13.4 ஓவர்களில் 140 ரன்களுக்கு ஆல் அவுட்டானது.
இந்த போட்டியில் குஜராத் அணி 89 ரன்கள் வித்தியாசத்தில் அபார வெற்றி பெற்றது. இந்த தோல்வியால் சென்னை அணியின் பிளே ஆப் வாய்ப்பும் முடிவுக்கு வந்தது.
போட்டியின் போது, சென்னை அணியின் வீரர் Shivam Dube விக்கெட்டை தனது ஃபீல்டிங் மூலம் கைப்பற்றிய ஷுப்மன் கில், மைதானத்தில் இருந்த சிஎஸ்கே ரசிகர்களை நோக்கி வாயின் மீது விரல் வைத்து “அமைதியாக இருங்கள்” என்பதுபோன்ற சைகை காட்டியிருந்தார்.
அதைத்தொடர்ந்து போட்டி முடிந்த பிறகு, தனது இன்ஸ்டாகிராம் பக்கத்தில் Mohammed Siraj மற்றும் Jos Buttler உடன் எடுத்த புகைப்படத்தை ஷுப்மன் கில் பகிர்ந்துள்ளார்.
அந்த புகைப்படத்திலும் அவர் வாயின் மீது விரல் வைத்து போஸ் கொடுத்திருந்தார். மேலும், “Thank you 2 yellow lights. Blue finished” என குறிப்பிட்டிருந்தார்.
இந்த பதிவு சென்னை சூப்பர் கிங்ஸ் அணியை கிண்டல் செய்யும் வகையில் இருப்பதாக ரசிகர்கள் சமூக வலைதளங்களில் கருத்து தெரிவித்து வருகின்றனர். இதனால் சிஎஸ்கே ரசிகர்கள் மத்தியில் இந்த பதிவு கடும் விவாதத்தை கிளப்பியுள்ளது.
