தமிழக சட்டசபையில் நடைபெற்ற நம்பிக்கை ஓட்டெடுப்பில், முதல்வர் Vijay தலைமையிலான தமிழக வெற்றிக் கழக அரசு வெற்றி பெற்றது.
முதல்வராக பதவியேற்ற விஜய், இன்று சட்டசபையில் பெரும்பான்மையை நிரூபிக்க வேண்டும் என்று தமிழக ஆளுநர் Rajendra Arlekar உத்தரவிட்டிருந்தார். அதன்படி, இன்று சட்டசபையில் நம்பிக்கை கோரும் தீர்மானம் கொண்டு வரப்பட்டது.
காலை 9.30 மணிக்கு அவை கூடியதும், முதல்வர் விஜய் நம்பிக்கை தீர்மானத்தை முன்மொழிந்தார். இதனைத் தொடர்ந்து தீர்மானத்தின் மீது விவாதம் நடைபெற்றது.
விவாதத்தின் போது மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி மற்றும் முஸ்லிம் லீக் உள்ளிட்ட கட்சிகள் அரசுக்கு ஆதரவு தெரிவித்தன. காங்கிரஸ் சார்பில் அக்கட்சியின் குழுத் தலைவர் ராஜேஷ் குமார் ஆதரவு அறிவித்தார். இதேவேளை, M. K. Stalin தலைமையிலான திமுக உறுப்பினர்கள் ஓட்டெடுப்பில் பங்கேற்காமல் வெளிநடப்பு செய்தனர்.
நம்பிக்கை ஓட்டெடுப்பு விவரம்
- மொத்தமாக பங்கேற்றவர்கள் – 171
- ஆதரவாக – 144
- எதிராக – 22
- நடுநிலை – 5
ஆதரவாக வாக்களித்தவர்கள்
- தவெக – 105
- அதிமுக (சி.வி.சண்முகம், வேலுமணி அணியினர்) – 25
- காங்கிரஸ் – 5
- விடுதலைச் சிறுத்தைகள் கட்சி – 2
- இந்திய கம்யூனிஸ்ட் கட்சி – 2
- மார்க்சிஸ்ட் கம்யூனிஸ்ட் கட்சி – 2
- இந்திய யூனியன் முஸ்லிம் லீக் – 2
- அமமுக – 1
எதிராக வாக்களித்தவர்கள்
- அதிமுக (இபிஎஸ் அணி) – 22
நடுநிலை வகித்தவர்கள்
- பாமக – 4
- பாஜக – 1
மேலும், 60 உறுப்பினர்கள் ஓட்டெடுப்பில் பங்கேற்கவில்லை.
இதையடுத்து, ஆதரவு ஓட்டுகள் அதிகமாக இருந்ததால் நம்பிக்கை தீர்மானம் நிறைவேற்றப்பட்டதாக சபாநாயகர் JCD Prabhakar அறிவித்தார். தொடர்ந்து, முதல்வர் விஜய் மற்றும் அமைச்சரவைக்கு அவர் வாழ்த்து தெரிவித்தார்.
