சென்னை: All India Anna Dravida Munnetra Kazhagam கட்சியில் ஏற்பட்டுள்ள உள்கட்சி பிளவு அரசியல் வட்டாரங்களில் பரபரப்பை ஏற்படுத்தியுள்ள நிலையில், Shiv Sena political crisis தொடர்பாக Supreme Court of India வழங்கிய தீர்ப்பு தற்போது முக்கியத்துவம் பெற்றுள்ளதாக பார்க்கப்படுகிறது.
சட்டசபை தேர்தலில் அதிமுக சார்பில் வெற்றி பெற்ற 47 எம்எல்ஏக்கள் தற்போது இரண்டு அணிகளாக பிரிந்துள்ளனர். Edappadi K. Palaniswami தலைமையில் 22 எம்எல்ஏக்களும், S. P. Velumani தலைமையில் 25 எம்எல்ஏக்களும் உள்ளதாக கூறப்படுகிறது.
இதில், வேலுமணி அணியினர் Tamilaga Vettri Kazhagam அரசுக்கு ஆதரவாக வாக்களித்த நிலையில், இபிஎஸ் அணியினர் அதற்கு எதிராக வாக்களித்தனர். இதனால், வேலுமணி தரப்பினர் கட்சியின் கொறடா உத்தரவை மீறியுள்ளதாக இபிஎஸ் அணியினர் குற்றம்சாட்டி வருகின்றனர்.
ஆனால், சட்டமன்றக் குழுவில் தங்களுக்கே பெரும்பான்மை உள்ளதாகவும், அதனால் தலைவர் மற்றும் கொறடாவை நியமிக்கும் அதிகாரம் தங்களுக்கே இருப்பதாகவும் வேலுமணி அணியினர் வாதிடுகின்றனர்.
இதேபோன்ற சூழல் Maharashtra மாநிலத்தில் Uddhav Thackeray தலைமையிலான அரசை கவிழ்த்து Eknath Shinde ஆட்சிக்கு வந்தபோதும் ஏற்பட்டது. அந்த வழக்கில் கொறடா உத்தரவை மீறியதாக உத்தவ் தாக்கரே அணியினர் நீதிமன்றத்தை அணுகினர்.
இந்த வழக்கை விசாரித்த சுப்ரீம் கோர்ட், “சட்டமன்ற உறுப்பினர் குழு என்பது அரசியல் கட்சியின் ஒரு அங்கமே. அந்த குழுவை வழிநடத்தும் கொறடாவை நியமிக்கும் அதிகாரம் கட்சித் தலைமையிடமே உள்ளது” என்று தெளிவாக தெரிவித்தது.
மேலும், சட்டமன்ற உறுப்பினர்களில் பெரும்பான்மை தங்களிடம் இருப்பதாக ஏக்நாத் ஷிண்டே அணியினர் முன்வைத்த வாதத்தையும் சுப்ரீம் கோர்ட் ஏற்கவில்லை.
இந்த தீர்ப்பின் அடிப்படையில், தற்போதைய அதிமுக விவகாரத்தில் வேலுமணி அணியை சேர்ந்த எம்எல்ஏக்கள் மீது கட்சித்தாவல் தடைச்சட்டத்தின் கீழ் நடவடிக்கை எடுக்கப்பட வாய்ப்பு அதிகம் இருப்பதாக சட்ட நிபுணர்கள் கருதுகின்றனர்.
இதற்கிடையில், சபாநாயகரிடம் இன்று புகார் அளித்துள்ள இபிஎஸ் அணியினர், அடுத்த கட்ட சட்ட நடவடிக்கைகளுக்கும் தயாராகி வருவதாக தகவல் வெளியாகியுள்ளது.
மேலும், நம்பிக்கை ஓட்டெடுப்புக்கு முந்தைய நாள் Vijay, C. V. Shanmugam இல்லத்திற்கு நேரில் சென்று நன்றி தெரிவித்தது, கட்சித்தாவலை ஊக்குவிக்கும் வகையில் இருந்ததாக கூறி நீதிமன்றத்தில் வழக்கு தொடரவும் இபிஎஸ் அணியினர் திட்டமிட்டுள்ளதாக தகவல்கள் தெரிவிக்கின்றன.
