Kanimozhi Karunanidhi கோவையில் நடைபெற்ற திருமண விழா ஒன்றில் பேசியபோது, சமூக வலைதளங்களில் பரவும் தகவல்களை மக்கள் ஆராயாமல் நம்புவது பாதிப்பை ஏற்படுத்தும் என்று தெரிவித்தார்.
அப்போது அவர் கூறுகையில், “சமூக வலைதளங்களான Instagram மற்றும் WhatsApp போன்றவற்றை பயன்படுத்தி நல்ல விஷயங்களை பகிரலாம். எந்த இயக்கத்தை சேர்ந்தவர்களாக இருந்தாலும் தங்களது சித்தாந்தங்களையும் கருத்துகளையும் மக்களிடம் கொண்டு சேர்ப்பதில் தவறு இல்லை,” என்றார்.
மேலும், “நாம் சுதந்திரம் பெறும் முன்பே தமிழகத்தில் ஒரு பெண் அமைச்சர் பதவி வகித்துள்ளார். பின்னர், Dravida Munnetra Kazhagam ஆட்சியில் Sathyavani Muthu தொடங்கி அனைத்து அமைச்சரவைகளிலும் பெண் அமைச்சர்கள் இடம்பெற்றுள்ளனர்.
ஆனால் தற்போது தான் தமிழகத்தில் முதன்முறையாக ஒரு பெண் அமைச்சர் பொறுப்பேற்றுள்ளார் என்று தவறான தகவல்கள் பரப்பப்படுகின்றன,” என்று குறிப்பிட்டார்.
அதேபோல், “இது அரசியல் தொடர்பான விஷயம் மட்டும் அல்ல. சமூக வலைதளங்களில் பலரும் பல்வேறு தகவல்கள் மற்றும் கருத்துகளை பகிர்ந்து வருகின்றனர். அப்படிப்பட்ட தகவல்கள் வரும் போது, அதை யார் கூறுகிறார்கள், அவர்களின் தகுதி என்ன என்பதையும் சிந்திக்க வேண்டும்,” என்றும் கூறினார்.
சமூக வலைதளங்களில் வரும் தகவல்களின் உண்மைத் தன்மையை புரிந்து கொள்ளாமல் கண்மூடித்தனமாக நம்புவது மக்களுக்கே பாதிப்பை ஏற்படுத்தும் என அவர் எச்சரித்தார்.
இறுதியாக, “தேர்தல் முடிவு என்பது மக்களின் தீர்ப்பு. அதை தலைவணங்கி ஏற்றுக் கொள்கிறோம்,” என்றும் கனிமொழி தெரிவித்தார்
