திருவனந்தபுரம்: Indian National Congress தலைமையிலான ஐக்கிய ஜனநாயக முன்னணி கூட்டணி கேரளாவில் ஆட்சியை கைப்பற்றிய நிலையில், மாநிலத்தின் புதிய முதல்வராக V. D. Satheesan தேர்வு செய்யப்பட்டுள்ளதாக காங்கிரஸ் தலைமை அதிகாரப்பூர்வமாக அறிவித்துள்ளது.
கேரளாவில் நடைபெற்ற சட்டசபை தேர்தலில் மொத்தம் உள்ள 140 தொகுதிகளில், காங்கிரஸ் தலைமையிலான கூட்டணி 102 இடங்களில் வெற்றி பெற்று ஆட்சியை கைப்பற்றியது. இதன் மூலம் 10 ஆண்டுகளுக்குப் பிறகு காங்கிரஸ் மீண்டும் கேரளாவில் ஆட்சிக்கு வந்துள்ளது.
ஆனால், முதல்வர் பதவியை பெறுவதில் கட்சியின் மூத்த தலைவர்களான K. C. Venugopal, Ramesh Chennithala மற்றும் வி.டி. சதீஷன் ஆகியோருக்கு இடையே கடும் போட்டி நிலவியது.
இந்த விவகாரம் தொடர்பாக கடந்த 10 நாட்களாக கட்சியின் மேலிடம் தீவிர ஆலோசனையில் ஈடுபட்டிருந்தது. டெல்லியில், Rahul Gandhi, தனது தாயாரும் காங்கிரஸ் மூத்த தலைவருமான Sonia Gandhi இல்லத்தில் கேரள காங்கிரஸ் தலைவர்களுடன் தனித்தனியாக ஆலோசனை நடத்தியதாக தகவல் வெளியாகியது.
இந்த நீண்ட இழுபறிக்கு இன்று முடிவு கட்டப்பட்ட நிலையில், வி.டி. சதீஷன் கேரள முதல்வராக தேர்வு செய்யப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது.
வி.டி. சதீஷன் கடந்த 25 ஆண்டுகளாக சட்டமன்ற உறுப்பினராக இருந்து வருகிறார். Paravur தொகுதியை சேர்ந்த அவர், இந்த தேர்தலிலும் மீண்டும் வெற்றி பெற்றுள்ளார்.
கடந்த சட்டசபையில் எதிர்க்கட்சித் தலைவராக செயல்பட்ட அவர், இடது முன்னணி அரசுக்கு எதிராக சட்டசபையில் தீவிரமாக செயல்பட்டதுடன், தேர்தல் பிரசாரத்திலும் முக்கிய பங்கு வகித்தார். அவரது தலைமையிலேயே காங்கிரஸ் கூட்டணி தேர்தலை எதிர்கொண்டது குறிப்பிடத்தக்கது.
இந்த செயல்பாடுகளுக்கான பாராட்டாகவே அவருக்கு முதல்வர் பதவி வழங்கப்பட்டுள்ளதாக கட்சியினர் தெரிவித்துள்ளனர்.
