சென்னை: அதிமுக பொதுக்குழுவின் முடிவை தலைவணங்கி ஏற்கத் தயாராக இருப்பதாக சிவி சண்முகம் மற்றும் வேலுமணி தரப்பு தெரிவித்துள்ளது.
சென்னையில் செய்தியாளர்களை சந்தித்து பேசிய C. V. Shanmugam, அதிமுகவின் தற்போதைய நிலை மற்றும் கட்சித் தலைமையின் செயல்பாடு குறித்து கடுமையாக விமர்சித்தார்.
அப்போது அவர் கூறுகையில், “சட்டசபை தேர்தலில் Edappadi K. Palaniswami தலைமையில் அதிமுக மீண்டும் தோல்வியை சந்தித்துள்ளது. இது முதல் தோல்வி அல்ல. 2019 முதல் தொடர்ந்து கட்சி தோல்விகளை சந்தித்து வருகிறது. அதிமுகவின் ஓட்டு வங்கி சரிவை நோக்கி சென்று கொண்டிருக்கிறது,” என்றார்.
மேலும், “தவெக கூட்டணி அமைக்க முன்வந்தது. ஆனால் இபிஎஸ் அதை உதாசீனப்படுத்தினார். தேமுதிக, புதிய தமிழகம் உள்ளிட்ட கட்சிகளையும் அவர் அரவணைக்கவில்லை. தற்போது அவர் நியமித்துள்ள புதிய நிர்வாகிகளின் நியமனமும் செல்லாது,” என குற்றம்சாட்டினார்.
“நாங்கள் தவறு செய்தது போன்ற ஒரு பிம்பத்தை உருவாக்க இபிஎஸ் முயற்சி செய்கிறார். பொதுக்குழுவை கூட்ட வேண்டும்; அதில் எங்களது கருத்துகளை தெரிவிக்க தயாராக இருக்கிறோம். பொதுக்குழு எடுக்கும் எந்த முடிவையும் தலைவணங்கி ஏற்றுக் கொள்வோம்,” என்றும் சிவி சண்முகம் தெரிவித்தார்.
மேலும், “இப்போது தனது பதவிக்கு பாதிப்பு வருவதால் பிரிந்து சென்றவர்களை மீண்டும் ஏற்க தயாராக இருப்பதாக இபிஎஸ் கூறுகிறார். இதையே முன்பே செய்திருந்தால் இன்று அவர் மீண்டும் முதல்வராகி இருப்பார்,” என்றும் அவர் விமர்சித்தார்.
அதிமுகவை மீட்டெடுப்பதே தங்களது ஒரே நோக்கம் என்றும், கட்சியின் விதிமுறைகள் மீறப்படுவதாகவும், நிர்வாகிகளை மிரட்டும் அரசியல் கட்சியின் வளர்ச்சிக்கு உதவாது என்றும் சிவி சண்முகம் கூறினார்.
