புதுடில்லி: பிரதமர் Narendra Modi குறித்து அவதூறாக பேசியதாக கூறி, காங்கிரஸ் எம்பி Rahul Gandhi-க்கு பாஜ கடும் கண்டனம் தெரிவித்துள்ளது.
Uttar Pradesh மாநிலத்தின் ரேபரேலியில் நடைபெற்ற பேரணியில், பிரதமர் மோடி மற்றும் உள்துறை அமைச்சர் Amit Shah குறித்து ராகுல் காந்தி கடுமையாக விமர்சித்து பேசியதாக கூறப்படுகிறது.
இதற்கு பதிலளித்த பாஜ தேசிய தலைவர் Nitin Nabin, “ராகுலின் இன்றைய பேச்சு மிகவும் துரதிர்ஷ்டவசமானது. அது அவரது அராஜக மனப்பான்மையை பிரதிபலிக்கிறது,” என்றார்.
மேலும், “ராகுல் விரக்தியில் இருக்கிறார். அவர் பேசியதற்கான கடும் விளைவுகளை சந்திக்க நேரிடும். தொடர்ச்சியான தேர்தல் தோல்விகளால் ஏற்பட்ட விரக்தியே அவரது பேச்சில் வெளிப்படுகிறது,” என்றும் தெரிவித்தார்.
அவர் தொடர்ந்து, “நக்சலிசத்தை ஒழிப்பது தேசத்துரோகமா? நாட்டின் எல்லைகளை பாதுகாப்பது தேசத்துரோகமா? இந்தியாவின் மூவர்ணக் கொடியின் பெருமையை உலகளவில் உயர்த்துவது தேசத்துரோகமா?” என்று கேள்வி எழுப்பினார்.
அதேபோல், பாஜ செய்தித் தொடர்பாளர் Shehzad Poonawallaவும் ராகுல் காந்தியை கடுமையாக விமர்சித்தார்.
“பிரதமர் மோடியை அவமதிக்கும் வகையில் பயன்படுத்தப்பட்ட வார்த்தைகள் ராகுலின் வளர்ப்பை பிரதிபலிக்கின்றன,” என்று அவர் கூறினார்.
மேலும், “காங்கிரஸ் கட்சியினர் தொடர்ந்து பிரதமர் மோடியை இழிவான வார்த்தைகளில் விமர்சித்து வருகின்றனர். அவர் பிற்படுத்தப்பட்ட சமூகத்தைச் சேர்ந்தவர் என்பதற்காகவே இவ்வாறு தாக்குகின்றனர்,” என்றும் குற்றம்சாட்டினார்.
“துரோகம் குறித்து பேசும் ராகுல், முதலில் தனது சொந்த குடும்பத்தை பார்த்துக்கொள்ள வேண்டும்,” என்றும் ஷெசாத் பூனாவாலா தெரிவித்தார்.
