Uttar Pradesh மாநிலத்தின் Mirzapur மாவட்டத்தில் பதிவு செய்யப்பட்ட ‘ஜிம் ஜிஹாத்’ வழக்கில் கைது செய்யப்பட்ட 10 பேர் மீது குண்டர் சட்டம் பதிவு செய்யப்பட்டுள்ளதாக போலீசார் தெரிவித்துள்ளனர்.
மிர்சாபூர் மாவட்டத்தின் கோட்வாலி தேஹத் போலீஸ் நிலையத்தில் கடந்த ஜனவரி 19ஆம் தேதி இரவு, சட்டவிரோத மதமாற்றத் தடைச் சட்டம் உள்ளிட்ட பல்வேறு பிரிவுகளின் கீழ் வழக்கு பதிவு செய்யப்பட்டது. பின்னர், கூடுதல் பிரிவுகள் சேர்க்கப்பட்டு, குற்றஞ்சாட்டப்பட்டவர்களுக்கு எதிராக கடந்த ஏப்ரல் 17ஆம் தேதி சுமார் 6,000 பக்கங்கள் கொண்ட குற்றப்பத்திரிகை நீதிமன்றத்தில் தாக்கல் செய்யப்பட்டது.
விசாரணையில், உடற்பயிற்சி கூடம் நடத்தும் சிலர் தங்களது ஜிம்மிற்கு வரும் ஹிந்து பெண்களுடன் நட்பாக பழகி, பின்னர் அவர்களை மிரட்டி பணம் பறித்ததாக குற்றச்சாட்டு எழுந்துள்ளது.
‘ஜிம் ஜிஹாத்’ என அழைக்கப்படும் இந்த நடவடிக்கையின் மூலம், பெண்களுடன் நெருக்கமாக பழகி அதனை வீடியோ மற்றும் புகைப்படமாக பதிவு செய்து மிரட்டியதாகவும், கட்டாய மதமாற்றத்தில் ஈடுபட்டதாகவும் போலீசார் தெரிவித்துள்ளனர்.
மேலும், அந்த பெண்களை புர்கா அணிய வைத்ததுடன், மதம் சார்ந்த வசனங்களையும் ஓதச் செய்ததாக விசாரணையில் தெரியவந்துள்ளதாக கூறப்படுகிறது.
இந்த வழக்கின் முக்கிய குற்றவாளிகளாகக் கூறப்படும் Imran Khan மற்றும் Maulana Khaliluddin உள்ளிட்ட 10 பேரை போலீசார் கைது செய்து மிர்சாபூர் மாவட்ட சிறையில் அடைத்துள்ளனர்.
இந்நிலையில், சட்டம் மற்றும் ஒழுங்கு பாதிக்கப்படும் அபாயம் இருப்பதாக கருதி, கைது செய்யப்பட்ட 10 பேர்மீதும் தற்போது குண்டர் சட்டம் பதிவு செய்யப்பட்டுள்ளதாக போலீஸ் அதிகாரிகள் தெரிவித்துள்ளனர்.
