புதுடில்லி: மக்கள்தொகை கணக்கெடுப்புடன் ஜாதிவாரி கணக்கெடுப்பு நடத்துவதை எதிர்த்து தாக்கல் செய்யப்பட்ட மனுவை Supreme Court of India நேற்று தள்ளுபடி செய்தது.
இந்தியாவில் ஒவ்வொரு 10 ஆண்டுகளுக்கும் ஒருமுறை மக்கள்தொகை கணக்கெடுப்பு நடத்தப்பட்டு வருகிறது. கடைசியாக 2011ஆம் ஆண்டு இந்த கணக்கெடுப்பு நடைபெற்றது.
அதன்படி, அடுத்த மக்கள்தொகை கணக்கெடுப்பு 2021ஆம் ஆண்டு நடைபெற வேண்டியிருந்தது. ஆனால், கொரோனா பெருந்தொற்று மற்றும் லோக்சபா தேர்தல் காரணமாக அந்த பணி தாமதமானது.
இதற்கிடையில், மக்கள்தொகை கணக்கெடுப்புடன் ஜாதிவாரி கணக்கெடுப்பையும் நடத்த வேண்டும் என காங்கிரஸ் உள்ளிட்ட எதிர்க்கட்சிகள் தொடர்ந்து வலியுறுத்தி வந்தன.
இதனைத் தொடர்ந்து, கடந்த ஆண்டு மே மாதம் நடைபெற்ற அரசியல் விவகாரங்களுக்கான மத்திய அமைச்சரவை கூட்டத்தில், நாடு முழுவதும் மக்கள்தொகை கணக்கெடுப்புடன் ஜாதிவாரி கணக்கெடுப்பையும் சேர்த்து நடத்த ஒப்புதல் வழங்கப்பட்டது.
இந்த நிலையில், ஜாதிவாரி கணக்கெடுப்பை தடை செய்ய வேண்டும் என சுதாகர் கும்முலா என்பவர் Supreme Court of India-ல் மனு தாக்கல் செய்தார்.
இந்த மனு தலைமை நீதிபதி Surya Kant தலைமையிலான அமர்வு முன் விசாரணைக்கு வந்தது.
அப்போது நீதிபதிகள், “மக்கள்தொகை கணக்கெடுப்பு ஜாதிவாரியாக இருக்க வேண்டுமா இல்லையா என்பது அரசின் கொள்கை முடிவாகும்” என தெரிவித்தனர்.
மேலும், “மக்கள் தொகையில் பிற்படுத்தப்பட்டோர் எண்ணிக்கை குறித்து தெளிவான தகவல்கள் இருந்தால்தான் அதற்கேற்ற நலத்திட்டங்களை அரசு வகுக்க முடியும்” என்றும் கூறினர்.
“ஜாதிவாரி கணக்கெடுப்பு என்பது அரசின் கொள்கை ரீதியான அதிகார வரம்புக்குள் வரும் விஷயம். எனவே இதில் நீதிமன்றம் தலையிடாது” என கூறி மனுவை தள்ளுபடி செய்தனர்.
