All India Anna Dravida Munnetra Kazhagam கட்சியில் உள்கட்சி மோதல் தீவிரமடைந்துள்ள நிலையில், S. P. Velumani தலைமையிலான அணியினர், Edappadi K. Palaniswami உள்ளிட்ட 22 எம்எல்ஏக்கள் மீது கட்சித் தாவல் நடவடிக்கை எடுக்கக் கோரி பேரவைத் தலைவரிடம் மனு அளித்துள்ளனர்.
சமீபத்தில் நடைபெற்ற சட்டசபை தேர்தலில் அதிமுக தோல்வியடைந்ததை தொடர்ந்து, கட்சிக்குள் அதிருப்தி அதிகரித்துள்ளது. இதன் காரணமாக இபிஎஸ் அணி மற்றும் எஸ்.பி. வேலுமணி அணி என கட்சி இரு பிரிவுகளாக செயல்பட்டு வருவதாக கூறப்படுகிறது.
இந்த நிலையில், வேலுமணி அணியை சேர்ந்த எம்எல்ஏக்கள் Tamilaga Vettri Kazhagam அரசுக்கு ஆதரவு தெரிவித்தனர். இதையடுத்து இரு அணிகளும் ஒருவருக்கு ஒருவர் எதிராக கட்சித் தாவல் புகார்கள் அளித்து வருகின்றனர்.
இன்று மீண்டும், இபிஎஸ் உள்ளிட்ட 22 எம்எல்ஏக்கள் கொறடா உத்தரவை மீறியதாக குற்றம்சாட்டி, அவர்கள்மீது நடவடிக்கை எடுக்க வேண்டும் என்று பேரவைத் தலைவரிடம் வேலுமணி தரப்பினர் மனு வழங்கினர்.
இதுகுறித்து செய்தியாளர்களிடம் பேசிய முன்னாள் அமைச்சர் C. Vijayabaskar, “கொறடா உத்தரவை மீறியதால் இபிஎஸ் உள்ளிட்ட 22 சட்டப்பேரவை உறுப்பினர்கள் மீது கட்சித் தாவல் நடவடிக்கை எடுக்க வேண்டும் என்று அவைத் தலைவரிடம் புகார் அளித்துள்ளோம்” என்றார்.
தொடர்ந்து பேசிய எஸ்.பி. வேலுமணி, “கட்சியின் உறுப்பினர்களை இபிஎஸ் நீக்கியது செல்லாது. நீக்கப்பட்டதாக கூறப்படும் அனைவரும் தொடர்ந்து தங்களது பொறுப்புகளில் செயல்படுவார்கள்” என்று தெரிவித்தார்.
மேலும், “கட்சிக்குள் விரிசல் ஏற்பட்டுள்ள நிலையில், பொதுச்செயலாளர் தனிப்பட்ட முறையில் எந்த நடவடிக்கையும் எடுக்க முடியாது. யாரையும் நீக்கவோ சேர்க்கவோ முடியாது. தேர்தல் தோல்வி குறித்து விவாதிக்க பொதுக்குழுவை கூட்ட வேண்டும்” என்றும் அவர் வலியுறுத்தினார்.
அதிமுக இரு அணிகளாக வெளிப்படையாக செயல்படத் தொடங்கியுள்ளதால், தமிழக அரசியலில் பரபரப்பு நிலவி வருகிறது.
