Food and Agriculture Organization தலைமையகம் அமைந்துள்ள Rome நகரில் நேற்று நடைபெற்ற நிகழ்ச்சியில், பிரதமர் Narendra Modiக்கு ஐ.நா., உணவு மற்றும் வேளாண்மை அமைப்பின் உயரிய ‘அக்ரிகோலா’ பதக்கம் வழங்கப்பட்டது.
இந்த விருது, உலகளாவிய உணவுப் பாதுகாப்பு மற்றும் வேளாண் துறையில் நீண்டகால பங்களிப்புகளை செய்த உலகத் தலைவர்களுக்கு வழங்கப்படும் மிக உயர்ந்த கவுரவங்களில் ஒன்றாக கருதப்படுகிறது.
விருதைப் பெற்றுக்கொண்ட பிரதமர் மோடி, இந்த அங்கீகாரத்தை இந்தியாவின் கோடிக்கணக்கான விவசாயிகள், கால்நடை வளர்ப்போர், மீன் வளர்ப்போர், வேளாண் விஞ்ஞானிகள் மற்றும் தொழிலாளர்களுக்கு அர்ப்பணிப்பதாக தெரிவித்தார்.
நிகழ்ச்சிக்கு பின்னர், ஐ.நா., உணவு மற்றும் வேளாண்மை அமைப்பின் தலைமை இயக்குநர் Qu Dongyuவை பிரதமர் மோடி சந்தித்து கலந்துரையாடினார்.
அப்போது பேசிய பிரதமர் மோடி, “ஐ.நா.,வின் உயரிய விருதான ‘அக்ரிகோலா’ பதக்கத்தை வழங்கியதற்கு மனமார்ந்த நன்றிகள். உலகளவில் பால் மற்றும் நறுமணப் பொருட்கள் உற்பத்தியில் இந்தியா முதலிடத்தில் உள்ளது.
விவசாயம் என்பது இந்தியாவின் வாழ்வாதாரத்தின் அடித்தளமாக மட்டுமல்லாமல், நமது கலாசாரத்தின் முக்கிய அடையாளமாகவும் உள்ளது. தொழில்நுட்பம் தற்போது இந்திய விவசாயத்தின் மிகப்பெரிய பலமாக மாறி வருகிறது,” என்றார்.
மேலும், “விவசாயத்தின் எதிர்காலம் அதிக உற்பத்தியில் மட்டும் இல்லை; தரமான மற்றும் சிறந்த முறையில் உற்பத்தி செய்வதில்தான் உள்ளது,” என்றும் பிரதமர் மோடி குறிப்பிட்டார்.
‘அக்ரிகோலா’ பதக்கம் என்பது, உலகளாவிய உணவுப் பாதுகாப்பு, நிலையான வேளாண்மை மற்றும் மனிதகுல நலனுக்கான பங்களிப்புகளை கவுரவிக்கும் வகையில் வழங்கப்படும் ஐ.நா., உணவு மற்றும் வேளாண்மை அமைப்பின் மிக உயரிய விருதாகும்.
