கொல்கட்டா: மேற்கு வங்கத்தில் பிடிபடும் வங்கதேச ஊடுருவல்காரர்கள் இனி நீதிமன்றத்தில் ஆஜர்படுத்தப்படாமல், நேரடியாக Border Security Force அதிகாரிகளிடம் ஒப்படைக்கப்பட்டு நாடு கடத்தப்படுவார்கள் என முதல்வர் Suvendu Adhikari தெரிவித்துள்ளார்.
மேற்கு வங்கத்தில் தற்போது பா.ஜ ஆட்சி நடைபெற்று வருகிறது. இதற்கு முன்பு ஆட்சியில் இருந்த Mamata Banerjee தலைமையிலான திரிணமூல் காங்கிரஸ் அரசு, வங்கதேசத்திலிருந்து ஊடுருவி வந்தவர்களுக்கு புகலிடம் வழங்கியதாக பா.ஜ தரப்பில் தொடர்ந்து குற்றச்சாட்டுகள் முன்வைக்கப்பட்டு வந்தன.
இந்நிலையில், மாநிலத்தில் ஆட்சி மாற்றத்திற்குப் பிறகு, வங்கதேச ஊடுருவல்காரர்களை கண்டறிந்து நாடு கடத்தும் நடவடிக்கைகளை அரசு தீவிரப்படுத்தியுள்ளது.
இதுகுறித்து பேசிய முதல்வர் சுவேந்து அதிகாரி, “இதுவரை பிடிபடும் ஊடுருவல்காரர்கள் நீதிமன்றத்தில் ஆஜர்படுத்தப்பட்டு வந்தனர். இனி அந்த நடைமுறை இருக்காது. அவர்கள் நேரடியாக பி.எஸ்.எப் வசம் ஒப்படைக்கப்பட்டு, தங்கள் நாட்டிற்கு அனுப்பி வைக்கப்படுவார்கள்” என்று கூறினார்.
மேலும், “கண்டறி, நீக்கு, வெளியேற்று” என்ற விரிவான திட்டத்தின் கீழ் இந்த புதிய நடைமுறை அமலுக்கு வந்துள்ளதாகவும் அவர் தெரிவித்தார்.
இந்த நடவடிக்கை எந்த சட்டத்தின் கீழ் மேற்கொள்ளப்படுகிறது என்பதை அவர் வெளிப்படையாக குறிப்பிடவில்லை. ஆனால், கடந்த ஆண்டு பாராளுமன்றத்தில் நிறைவேற்றப்பட்ட Immigration and Foreigners Act 2025 சட்டத்தின் கீழ் இந்த நடவடிக்கை மேற்கொள்ளப்படலாம் என அரசியல் வட்டாரங்கள் கருதுகின்றன.
இந்த சட்டத்தில் நவீன தொழில்நுட்ப கண்காணிப்பு, வெளிநாட்டு குடியேற்ற கட்டுப்பாடு மற்றும் நாடு கடத்தல் நடைமுறைகள் குறித்து விரிவான விதிமுறைகள் இடம்பெற்றுள்ளன என்பது குறிப்பிடத்தக்கது
