சென்னை: Dravida Munnetra Kazhagam கட்சியின் சமீபத்திய தேர்தல் தோல்விக்கு காரணமான முக்கிய அம்சங்களில் ஒன்றாக கருதப்பட்ட ‘பென்’ நிறுவனம் கலைக்கப்பட்டுள்ளதாக கட்சி வட்டாரங்களில் தகவல் வெளியாகியுள்ளது.
திமுக வட்டார தகவல்களின்படி, M. K. Stalin மருமகன் சபரீசன், கடந்த 2022ஆம் ஆண்டு ‘பாப்புலஸ் எம்பவர்மெண்ட் நெட்வொர்க்’ என்ற பெயரில் ‘பென்’ நிறுவனத்தை தொடங்கியதாக கூறப்படுகிறது. வா. மணிகண்டன் மற்றும் சேகர் ஆகியோர் அதன் இயக்குநர்களாக செயல்பட்டதாகவும் தகவல் வெளியாகியுள்ளது.
ஆரம்பத்தில் மீடியா ஒருங்கிணைப்பு பணிகளில் ஈடுபட்ட இந்த நிறுவனம், பின்னர் கட்சியின் உள்நிலை செயல்பாடுகளிலும் செல்வாக்கை அதிகரித்ததாக கூறப்படுகிறது. கட்சி நிர்வாகிகள் மற்றும் அமைச்சர்களின் செயல்பாடுகளை கண்காணித்து அறிக்கைகள் வழங்கும் பணிகளிலும் ஈடுபட்டதாக தகவல்கள் தெரிவிக்கின்றன.
‘ஓரணியில் தமிழ்நாடு’, ‘என் ஓட்டு சாவடி வெற்றி சாவடி’, ‘ஒன்றிணைவோம் வா’ போன்ற பிரசார திட்டங்கள் மூலம் கட்சிக்குள் தனது அதிகாரத்தை நிறுவனம் விரிவுபடுத்தியதாக கூறப்படுகிறது.
மேலும், கட்சி நிர்வாகிகள் குறித்து அறிக்கைகள் அளித்து பதவி மாற்றங்கள் மற்றும் புதிய நியமனங்களில் தாக்கம் செலுத்தியதாகவும், சில போலீஸ் அதிகாரிகள் மூலம் தகவல்கள் சேகரிக்கப்பட்டதாகவும் குற்றச்சாட்டுகள் எழுந்துள்ளதாக கூறப்படுகிறது.
இந்த சூழலில், ‘பென்’ நிறுவனத்தின் செயல்பாடுகள் Udhayanidhi Stalinக்கு ஆரம்பம் முதலே விருப்பமில்லாததாக இருந்ததாக திமுக வட்டாரங்கள் தெரிவிக்கின்றன. துணை முதல்வராக இருந்த காலத்திலேயே தனது இல்லத்திற்கு அந்த நிறுவன அதிகாரிகளை அனுமதிக்கவில்லை என்றும், அவர்களின் ஆலோசனைகளை ஏற்கவில்லை என்றும் கூறப்படுகிறது.
சட்டசபை தேர்தலுக்கான வேட்பாளர் தேர்விலும் ‘பென்’ நிறுவனம் முக்கிய பங்காற்றியதாக கூறப்படுகிறது. ஆனால், அந்த நிறுவனம் பரிந்துரைத்த பெரும்பாலான வேட்பாளர்கள் தோல்வியடைந்ததாகவும் தகவல்கள் வெளியாகியுள்ளன.
குறிப்பாக, ஸ்டாலின் 60 ஆயிரம் வாக்குகள் வித்தியாசத்தில் வெற்றி பெறுவார் என ‘பென்’ நிறுவனம் கணித்த நிலையில், அவர் 8,795 வாக்குகள் வித்தியாசத்தில் தோல்வியடைந்தது கட்சிக்குள் அதிருப்தியை ஏற்படுத்தியதாக கூறப்படுகிறது.
தேர்தல் முடிவுகளை தொடர்ந்து கடந்த மே 4ஆம் தேதி ஸ்டாலின் இல்லத்தில் நடைபெற்ற ஆலோசனை கூட்டத்தில், ‘பென்’ நிறுவனத்தின் செயல்பாடுகள் குறித்து உதயநிதி கடும் அதிருப்தி தெரிவித்ததாக தகவல் வெளியாகியுள்ளது.
இதையடுத்து, 60 நாட்களுக்குள் ‘பென்’ நிறுவனத்தை கலைக்க வேண்டும் என்று உத்தரவிடப்பட்டதாகவும், தற்போது நிறுவனம் கலைக்கப்பட்டுள்ளதாகவும் கூறப்படுகிறது. முதல் கட்டமாக அந்நிறுவனத்தில் பணியாற்றிய 290 பேர் பணிநீக்கம் செய்யப்பட்டுள்ளதாக தகவல்கள் தெரிவிக்கின்றன.
அதேபோல், சபரீசனின் சகோதரி காயத்ரி நடத்தி வந்ததாக கூறப்படும் ‘குன்’ விளம்பர நிறுவனமும் கலைக்கப்பட உள்ளதாக திமுக வட்டாரங்கள் தெரிவித்துள்ளன.
